የአቡነ ጎርጎርዮስ ትምህርት ቤቶች የ12ኛ ክፍል ተማሪዎች የ1ኛ መንፈቀ ዓመት አጠቃለይ ፈተናን በየቅርንጫፍ ትምህርት ቤታቸው በኦንላይ አስፈተኑ፡፡
ፈተናውን ኦንላይን /Online/ ማድረግ ያስፈለገውም መንግሥት ባስቀመጠው አቅጣጫ ፈተናው ኦንላይ ቢሆን የአቡነ ጎርጎርዮስ ትምህርት ቤቶች ተማሪዎች እየውሰዱ ያሉት ኦንላይን ፈተና ጥሩ ተሞክሮ የሚያገኙበት እና የተሻለ ውጤት ለማስመዝገብ በሚያስችል ደረጃ መዘጋጀቱም ታውቋል፡፡

በአዲስ አበባ የሚገኙት የአቧሬ፣የለቡ እና የሰሚት የአቡነ ጎርጎርዮስ ቅርንጫፍ ትምህርት ቤቶች የ2016 ዓ.ም የ12ኛ ክፍል ሀገር አቀፍ ፈተና ተፈታኝ ተማሪዎች የኦላየን ፈተና መፈተናቸው በሀገር አቀፍ ደረጃ የሚሰጠውን ፈተና ለመለማመድ የሚያስችላቸው እንደሆነ ነው የተገለጸው፡፡
የተፈጥሮ ሳይንስ ትምህርት እና የማኅበራዊ ሳይንስ ተማሪዎች ይህ የመጀመሪያ መንፈቀ ዓመት ማጠቃላይ ፈተና በሀገር አቀፍ ደረጃ ለሚሰጠው ብሄራዊ ፈተና ዝግጅት ተሞክሯቸውን ከማሳደጉም በላይ በራስ መተማመናቸውን በማሳደግ ውጤታማ እንዲሆኑ ያግዛቸዋል ተብሏል፡፡
በ2016 ዓ.ም መገባደጃ ላይ እንደሚሰጥ የሚጠበቀውን ሀገር አቀፍ ፈተና ለመውሰድ እየተዘጋጁ ያሉት ቁጥራቸው 216 የሚሆኑ የአቧሬ፣የለቡ እና የሰሚት የአቡነ ጎርጎርዮስ ቅርንጫፍ ትምህርት ቤቶች ተማሪዎች ይፈተናሉ ተብሎ ይጠበቃል፡፡

በጥር ወር መጨረሻ ሳምንት ላይ በተካሄደው ኦንላይን /Online/ ፈተና ካለምንም የኔትወርክ መቆራረጥ ማድረግ የተቻለ መሆኑን ከኤስድሮስ ኮንስትራክሽን ንግድና ኢንዱስትሪ አ.ማ ኢንፎርሜሽን ቴክኖሎጂ ክፍል ያገኘነው መረጃ ያመለክታል፡፡

የአቡነ ጎርጎርዮስ ቅርንጫፍ ትምህርት ቤቶች መካከል በቀለም ትምህርት የ2016 ዓ.ም የመጀመሪያ ዙር የጥያቄና መልስ ውድድር በ6ኛና 8ኛ ክፍል ተማሪዎች መካከከል ተካሄደ፡፡
ጥር 4 ቀን 2016ዓ.ም በተካሄደው የ2016 ዓ.ም የመጀመሪያ ዙር የጥያቄና መልስ ውድድር በሰባት የአቡነ ጎርጎርዮስ ቅርንጫፍ ትምህርት ቤቶች መካከል ሲሆን ውድድሩም እጅግ ፉክክር የበዛበት እንደነበር ታውቋል፡፡

በአቡነ ጎርጎርዮስ ወይራ ቅርንጫፍ አዘጋጅነት በተካሄደው የ6ኛ ክፍል በ5 የትምህርት ዓይነቶች የጥያቄናመልስ ውድድር ተማሪ ሊዲያ ለይኩን ከለቡ 1ኛ ስትውጣ ተማሪ አርሴማ እንዳወቅ ከሲኤምሲ እና ተማሪ ብሌን ጥላሁን ከለቡ 2ኛ እና 3ኛ በመውጣት አሸናፊ ሆነዋል፡፡በውድድሩም በትምህርት ቤቶች ደረጃ በ6ኛ ክፍል ለቡ ቅርንጫፍ 1ኛ የወጣ ሲሆን ሲኤምሲና ወይራ ቅርንጫፍ 2ኛ እና 3ኛ በመውጣት መሪነቱን ያዘዋል፡፡
በ8ኛ ክፍል የአቡነ ጎርጎርዮስ ቅርንጫፍ ትምህርት ቤቶች መካከል በ7 የቀለም ትምህርት የጥያቄና መልስ ውድድር ተማሪ እዩኤል ሽመልስ ከለቡ ቅርንጫፍ ውድድሩን 1ኛ በመውጣት የመራ ሲሆን ከወይራ ቅርንጫፍ ተማሪ ሱራፌል አየነው እና ተማሪ ትዕምርት ደርቤ 2ኛ እና 3ኛ በመውጣት አሸንፈዋል፡፡ በትምህርት ቤት ደረጃ በ8ኛ ክፍል 1ኛወይራ፣ 2ኛ ለቡ እና 3ኛ አዋሬ ቅርንጫፍ በመውጣት አሸንፈዋል፡፡
የ2016ዓ.ም የመጀመሪያ ዙር በአቡነ ጎርጎርዮስ ቅርንጫፍ ትምህርት ቤቶች መካከል የ6ኛና የ8ኛ ክፍል የጥያቄና መልስ ውድድር በቅርንጫፍ ትምህርት ቤቶች መካከል ተወዳዳሪነትን ከመፍጠሩም በላይ ቅርንጫፍ ትምህርት ቤቶች መካከል ጠንካራ ግንኙነትን የሚፈጥር መሆኑን ከአዘጋጆቹ ያገኘነው መረጃ ያመለክታል፡፡

የአቡነ ጎርጎርዮስ ትምህርት ቤቶች ከኢፌዲሪ ስፔስ ሳይንስና ጂኦሰፓሻል ኢንስቲትዩት ለመማር ማስተማሪያ አጋዥ የሆኑ ከ200 በላይ የተለያዩ ካርታና ብሄራዊ አትላሶችን አገኘ፡፡

ታህሳስ 22 ቀን 2016ዓ.ም በስፔስ ሳይንስና ጂኦሰፓሻል ኢንስቲትዩት በተደረገ ርክክብ ላይ የኢንስቲዩቱ ዋና ዳሬክተር አቶ አብዲሳ ይልማ ካርታና ብሄራዊ አትላሶችን ባስረከቡበት ወቅት እንደተናገሩት “ይህንን መሰል ድጋፍ በተለይ ለትምህርት ቤቶች ለመማር ማስተማሪ ድጋፍ በማድረጋችን በተለይ ለዛሬ ለአቡነ ጎርጎርዮስ ትምህርት ቤቶች ድጋፍ በማድረጋችን ከፍተኛ ደስታ ይሰማኛል” ብለዋል፡፡
ካርታና አትላሶችን የተረከቡት ቀሲስ ክፍሉ ወ/ሐዋሪያት እንደተናገሩት “የቀድሞው የካርታ ስራዎች ኤጀንሲ የአሁኑ ስፔስ ሳይንስና ጂኦሰፓሻል ኢንስቲትዩት ላደረገልን ድጋፍ ከልብ ለማመስገን እንወዳለን” ያሉ ሲሆን ቁሳቁሶቹም ለየ ቅርንጫፍ ትምህርት ቤቶቹ ለመማር ማስተማር አጋዥ እንደሚሆኑ ገልጸዋል፡፡

በስፔስ ሳይንስና ጂኦሰፓሻል ኢንስቲትዩት ውስጥ “የኢትዮጵያ ልጆች የስፔሽ ክህሎት እና ጂኦሰፓሻል ኢንተለጀንስ ማዕከል”የተከፈተ ሲሆን በክረምት ወቅት የስፔስ ሳይንስና ጂኦሰፓሻል ተስጥኦ ያላቸው የአቡነ ጎርጎርዮስ ትምህርት ቤቶች ተማሪዎች በክረምት መጥተው መማር የሚችሉ መሆኑን የኢንስቲዩቱ ዋና ዳሬክተር አቶ አብዲሳ ይልማ ጋብዘዋል፡፡ ዋና ዳሬክተሩ አያይዘውም የእንጦጦ ኦርዞርባቶሪ ማዕከል ከመጋቢት ወር መጀመሪያ ለጎብኚዎች ክፍት እንደሚሆን ገልጸው የአቡነ ጎርጎርዮስ ትምህርት ቤቶች ተማሪዎችና መምህራን ቦታውን እንዲጎበኙ እንጋብዛለን ብለዋል፡፡

በአቃቂ ቃሊቲ ክፍለ ከተማ ትምህርት ቢሮ አዘጋጅነት በተደረገ የጥያቄና መልስ ውድድር በአቡነ ጎርጎርዮስ ትምህርት ቤቶች ቃሊቲ ቅርንጫፍ 1ኛ በመውጣት ውድድሩን አሸናፊ ሆኗል፡፡

በ8ኛ ክፍል ተማሪዎች መካከል ታህሳስ 23 ቀን 2016 ዓ.ም በክፍለ ከተማው ትምህርት ቢሮ አዘጋጅነት በተካሄደው13 ከሚሆኑ የግልና የመንግስት ትምህርት ቤቶች መካከል በተካሄደ የጥያቄና መልስ ውድድር የአቡነ ጎርጎርዮስ ትምህርት ቤቶች ቃሊቲ ቅርንጫፍ ተማሪ ናታን መስፍን 1ኛ በመውጣት የዋንጫ ፣የሜዳሊያና ሰርተፍኬት ተሸላሚ ሆኗል፡፡
በአዲስ አበባ በከተማ ደረጃ ለሚካሄደው የአሸናፊዎች አሸናፊ ውድድር ተማሪ ናታን መስፍን አቃቂ ቃሊቲ ክፍለ ከተማን በመወከል ይወዳደራል፡፡

የአክሲዮን ማኅበራችንን ድረ ገፅ https://esdros.com በመከታተል ወቅታዊ መረጃዎችን ያገኛሉ::