ዋና ዋና ተግባራት

የትምህርት ዘርፍ

አክሲዮን ማህበሩ ወጣቱን ትውልድ ሀገር ወዳድና መልካም ዜጋ አድርጎ ማነፅ ላይ በትኩረት ይሰሩ በነበሩት ኢትዮጵያዊ አባት አቡነ ጎርጎሪዮስ ማስታወሻ ይሆን ዘንድ በስማቸው በሰየማቸው ትምህርት ቤቶች ስራውን በ2007 ዓ.ም የጀመረ ሲሆን በአሁኑ ጊዜ የሰባት ትምህርት ቤቶች ባለቤት መሆንም ችሏል።

በባህር ዳር እና ድሬዳዋ ከተሞች አንድ አንድ ትምህርት ቤቶች ያሉት ኤስድሮስ ኮንስትራክሽን ንግድና ኢንዱስትሪ አ.ማ በአዲስ አበባ ከተማ ባሉት አምስት ተጨማሪ ትምህርት ቤቶች ለ13 ሺህ 457 ተማሪዎች እውቀት እየመገበና በስነምግባር እያነፀ ትውልድን የሚተካ ትውልድ በተሻለ ጥራትየማፍራት ሀገራዊ ድርሻውን እየተወጣ ይገኛል።

የሪልስቴት ዘርፍ

ኤስድሮስ ኮንስትራክሽን ንግድና ኢንዱስትሪ አ.ማ በሪልስቴት ልማት ዘርፍ በመሰማራት በሀገር አቀፍ ደረጃ በተለይም በአዲስ አበባ ከተማ የሚስተዋለውን የመኖሪያ ቤቶች እጥረት ለመቅረፍ በአዲስ አበባ ከተማ በተለምዶ ‘ሃያ ሁለት’ እየተባለ በሚጠራው ቦታ አካባቢ በ2011 ዓ.ም የግንባታ ቦታ በመግዛት ሶስት ቤዝመንቶች፣ አንድ ግራውንድ እና 15 ወለሎች ያለው ዘመናዊ ህንፃ ለመገንባት ዝግጅቱን በማጠናቀቅ ወደ ትግበራ ምዕራፍ በመሸጋገር ላይ ይገኛል፡፡

አክሲዮን ማህበሩ የሪልስቴት ዘርፉን አጠናክሮና ራሱን አስችሎ ለማስሄድ ያመቸው ዘንድ ስትራቴጂክ ፕላን በማውጣት ሰፋፊ ስራዎችን እየሰራም ይገኛል። በቀጣይም በርካታ አካባቢዎችን ለማልማት በእቅድ እየተንቀሳቀሰ ይገኛል።

የሌብሊንግ ዘርፍ

አክሲዮን ማህበሩ ሊሰማራበት በእንቅስቃሴ ላይ ለሚገኘው የሌብሊንግ ዘርፍ የብድር አቅርቦት ለማግኘት በተሰራ ስራ ከኢትዮጵያ ልማት ባንክ የብድር አቅርቦት የተገኘ ሲሆን ወደ ትግበራ ምዕራፍ ለመግባትም አስፈላጊ የቅድመ ዝግጅት ስራዎች እየተከናወኑ ይገኛሉ።