ኤስድሮስ ኮ.ን.ኢ አ.ማ በትምህርቱ ዘርፍ በሥነ ምግባር የታነፁና በትምህርታቸው የበለጸጉ ስኬታማ ተማሪዎችን
ማፍራት ተቀዳሚ ዓላማው ነው ሲል የተማሪዎችን ፍሬ እማኝ አድርጎ ነው። ገና በማለዳው ከቴክኖሎጂ ጋር
በመተዋወቅ አጀብ የሚያሰኝ ሥራ ይዘው በዓለም ፊት ብቅ ብለዋል። ከነዚህም መካከል አንዱ ቅዱስ የሺዋስ
ነው። በብሔራዊ ቴያትር አዳራሽ ሐምሌ 10 ቀን 2013 ዓ.ም. ሰምና ወርቅ ባዘጋጀው መርሐ ግብር የአቡነ
ጎርጎርዮስ የ8ኛ ክፍል ተማሪ የሆነው ታዳጊ ቅዱስ የሺዋስ ‹‹የአውሮፕላን የበረራ ምሥጢሮች›› የተሰኘውን
መጽሐፍ ለምርቃት አብቅቷል። መጽሐፉ 76 ገጽ አሥራ ሁለት ምዕራፍ ያለው ሲሆን ስለ አውሮፕላን ታሪክ፣
የአውሮፕላን ምንነት፣ አራቱ ኃይሎች፣ የአውሮፕላን አካላት፣ የበረራ መቆጣጠርያ ክፍል፣ የአውሮፕላን ዓይነቶች፣
ከድምጽ ፍጥነት በላይ፣ የአውሮፕላን ምሥጢራዊ እውነታዎች፣ የአውሮፕላን ሞተር፣ ሄሊኮፕተር፣ የአውሮፕላን
አብራሪ እና አውቶ ፓይለት የሚሉ ርእሰ ጉዳዮች ተዳሰውበታል።