ይህ የገዘፈ ችግር ደግሞ በት/ቤቱ ብቻ የሚፈታ እና ለዚህ አካል ብቻ የሚተው ሳይሆን የት/ቤቱን ተማሪዎች እንዲሁም ፍሬዎች በሙሉ የሚመለከትና በኅብረት መቆም የሚጠይቅ ዓብይ ጉዳይ ነው። ስለሆነም እኛ የዚህ ት/ቤት የቀድሞ ተማሪዎች በማኅበር በመደራጀት በተቻለን አቅም የበኩላችንን አስተዋጽኦ ማድረግ ተገቢ ነው።

ይህ የማኅበሩ የመተዳደሪያ ደንብ ረቂቅ ት/ቤታችንን በበላይነት ከሚመራው ኤስድሮስ ኮንስትራክሽን ንግድና ኢንዱስትሪ አ.ማ ጎን በአንድነት በመቆም የቤተ-ክርስቲያናችንን እንዲሁም የሃገራችንን ችግር ለመቅረፍ የሚደረገውን እንቅስቃሴ ለማገዝና የድርሻችንን ለመውጣት በት/ቤቱ አነሳሽነት ብሎም በተማሪዎች በጎ ፈቃድ በመሰብሰብ በአቡነ ጎርጎሪዮስ የቀድሞ ተማሪዎች ማኅበር ስም መመርያ የሚሆን ነው።