የኤስድሮስ ኮንስትራክሽን ንግድ እና ኢንዱስትሪ አ.ማ ለከፍተኛ እና መካከለኛ አመራሮቹ እንዲሁም የ2017 በጀት ዓመት እቅድ ዝግጅት ላይ ለሚሳተፉ የ ዕቅድ ዝግጅት ኮሚቴ አባላት አጠቃላይ ስልጠና ተሰጥቷል፡፡ ስልጠናው የኤስድሮስ ኮንስትራክሽን ንግድ እና ኢንዱስትሪ አ.ማ የ2017 የበጀት እቅድ ወጥና ተመሳሳይ አካሄድ እንዲኖር ከቅርንጫፍ ትምህርት ቤቶች እስከ ዋናው መሥሪያ ቤት ተመጋጋቢና የተናበበ፣ የሚመዘን፣ ሊደረስበት የሚችል ውጤታማ የሆነ እና የግዜ ሰሌዳ የተቀመጠለት ዕቅድ ማዘጋጀት እንዲቻል ለማድረግ ታልሞ እንደሆነ ታውቋል፡፡

ስልጠናውን በ3 ርዕሰ ጉዳዮች ላይ ያተኮረ ሲሆን ፤ የበጀት ዕቅድ ዝግጅት ሂደት /“Master Budget”/ “የዕቅድ ዝግጅት ሂደት መምሰል ያለበት እና እንዴት ይዘጋጃል እንዲሁም የፊሲካል እና ፋይናሺያል ዕቅድ ግንኙነት እና ተመጋጋቢነት “key Awareness on fiscal and budget of its Correlation” በሚል ርዕስ ጉዳዮች ስልጠናዎች ተሰጥተዋል::

 

የስልጠናው ተሳታፊዎች ከዚህ በፊት የነበረው የበጀት እቅድ ዝግጅት ቁልፍ ችግሮች፣ የመፍትሄ ሀሳቦች እና የ 2017 በጀት ዓመት ዕቅድ ዝግጀት ምን ቅርጽ ሊኖረው ይገባል በሚሉ ርዕሳነ ጉዳዮች ላይ ሰፊ ውይይት ተደርጓል፡፡
ባለፈው ቅዳሜ መጋቢት 28 ቀን 2016 ዓ.ም በተሰጠው ስልጠና ላይ 32 የሚሆኑ የኤስድሮስ ኮንስትራክሽን ንግድ እና ኢንዱስትሪ አ.ማ ከፍተኛ አመራር አባላት፣ርዕሳነ መምህራን እና መካከለኛ አመራር አካላት የተሳተፉ ሲሆን ስልጠናው ለ2017 በጀት ዓመት የዕቅድ ዝግጅት ትልቅ ግብዓት መሆኑን ለማወቅ ተችሏል፡፡

 

 

 

የአቡነ ጎርጎርዮስ ትምህርት ቤቶች ተማሪዎች የትምህርት ዐውደ ርእይ እና የፈጠራ ሥራዎች ውድድር መርሀግብር ከዛሬ አርብ መጋቢት 20 ቀን 2016 ዓ.ም ጀምሮ እስከ እሁድ መጋቢት 22 ቀን 2016 ዓ.ም ለጎብኚዎች ክፍት ይሆናል፡፡

በዚሁ ለ4ኛ ጊዜ በሚካሄደው የአቡነ ጎርጎርዮስ ትምህርት ቤቶች ተማሪዎች በኪነጥበብ፣ የተማሪ የፈጠራ ሥራ፣ ICT፣ ሥዕልና ቅርጻቅርጽ ስራዎቻቸውን ያቀርባሉ፡፡
በአዲስ አበባ የሚገኙት 18 የአቡነ ጎርጎርዮስ ትምህርት ቅርንጫፍ ትምህርት ቤቶች የሚሳተፉበት ይህ አውደ ርዕይና የፈጠራ ስራዎች የሚቀርቡበት መድረክ በመርሀግብሩ ማጠቃለያ ላይ የዋንጫ፣የሜዳልያና የሰርተፍኬት ተሸላሚ እንደሚሆኑ ይጠበቃል፡፡

በዐውደ ርእይ እና የፈጠራ ሥራዎች ውድድር አሸናፊዎች ሽልማት ተበረከተላቸው

የአቡነ ጎርጎርዮስ ትምህርት ቤቶች ተማሪዎች የትምህርት ዐውደ ርእይ እና የፈጠራ ሥራዎች ውድድር መርሐግብር ዓርብ መጋቢት 20 ቀን 2016 ዓ.ም በይፋ ተከፍቶ ለ3 ተከታታይ ቀናት ለዕይታ በመብቃት በበርካታ እንግዶች፣ወላጆች ፣መምህራን እና ተማሪዎች ተጎብኝቷል፡፡
በዚሁ ለ4ኛ ጊዜ በተካሄደው የትምህርት ዐውደ ርእይ እና የተማሪዎች የፈጠራ ሥራ በኪነጥበብ፣ የተማሪ የፈጠራ ሥራ፣ ICT፣ ሥዕልና ቅርጻቅርጽ፣ የተቋሙ እሴት እና ዲኮረሽን (የተሰጠህን ቦታ ማሸብረቅና ማስዋብን) ዘርፍ ላይ ውድድር የተካሄድበት ሲሆን ከመጋቢት 20 እስከ 22 ቀን 2016 ዓ.ም የአቡነ ጎርጎርዮስ ትምህርት ቤቶች 27ኛ ቅርንጫፍ በሆነው ሰንሻይን አጸደ ሕፃናትና 1ኛ ደረጃ ቅርንጫፍ ተካሄዷል፡፡

መርሐግብሩን በንግግር የከፈቱት የኤስድሮስ ኮንስትራክሽን ንግድና ኢንዱስትሪ አ.ማ ዋና ሥራ አስኪያጅ አቶ አንተነህ ፈለቀ ናቸው፡፡ “ዘንድሮ ለ4ኛ ጊዜ የተዘጋጀው ይህ አውደ ርእይና የፈጠራ ስራዎች ውድድር የተቋሙን እሴት የሚያሳይ አዲስ የመወዳደሪያ ርእስን በማካተት ከዚህ ቀደም ከነበሩት ዝግጅቶች በተለየ መልኩ የተዘጋጀ ነው፡፡” በማለት ንግግር ያደረጉት ዋና ሥራ አስኪያጁ አቶ አንተነህ ፈለቀ ለዚህ ዝግጅት መሳካት አስተዋጽዖ ያደረጉትን አካላት አመስግነዋል፡፡
በመርሐግብሩ ላይ በአዲስ አበባ የሚገኙት 18 ቅርንጫፍ ትምህርት ቤቶች የተሳተፉበት ሲሆን በፈጠራ ስራዎች፣ በኢንፎርሜሽን ቴክኖሎጂ እና በኪነጥበብ ዘርፍ በርካታ የፈጠራ ሥራዎች ቀርበው ከፍተኛ ውድድር የተካሄደባቸው ሥራዎችም ቀርበዋል፡፡
ለ3 ተከታታይ ቀናት ለእይታ በቆየው በዚህ ዐውደ ርእይ ላይ ጥሪ የተደረገላቸው የኩባንያው የቦርድ እና ማኔጅመንት አመራሮች፣እንግዶች፣ ወላጆች፣ መምህራን እና ተማሪዎች የጎበኙት ሲሆን የፈጠራ ስራዎችን በመዳኘት የኢንፎርሜሸን ቴክኖሎጂ ባለሙያች፣ታላላቅ አርቲስቶች እና በርካታ ባለሙያዎችና ኤክስፐርቶች ተሳትፈውበታል፡፡

መጋቢት 22 ቀን 2016 ዓ.ም በመረሐ ግብሩ መዝጊያ ላይ በፈጠራ ሥራ የአቡነ ጎርጎርዮስ ትምህርት ቤቶች ተማሪዎችና አሸናፊ ቅርንጫፍ ትምህርት ቤቶች ከኤስድሮስ የዳሬክተሮች ቦርድ አባላት፣ከማኔጅመንት አባላትና ከዋና ሥራ አስኪያጁ አቶ ከአንተነህ ፈለቀ እጅ የዋንጫ፣የሜዳሊያና የሰርተፍኬት ሽልማት ተበርክቶላቸዋል፡፡
የአቡነ ጎርጎርዮስ ትምህርት ቤቶች የትምህርት ዐውደ ርእይ እና የፈጠራ ሥራዎች ውድድር ከፍተኛ ፉክክር እና አስደማሚ ትዕይንቶች የታዩበት ነበር፡፡
የተቋም እሴት ላይ በተካሄደ ውድድር ከቅድመ አንደኛ በግል 1ኛ. ልዕልና መስፍን ከለቡ፣ከእግዚአብሐር አብ 2ኛ. የአብ ቴዎድሮስ እና 3ኛ. ማህሌተ ጽጌ ከሲኤምሲ ሲያሸንፉ በዚሁ ዘርፍ ከአንደኛ ደረጃ ትምህርት ቤቶች በግል ከለቡ ቅርንጫፍ 1ኛ ተማሪ ህሊና ናርዶስ ፣ከቃሊቲ ቅርንጫፍ አማኑኤል ዮሐንስ እና ፍሬፅድቅ ሄኖክ 2ኛ. እና3ኛ. በመሆን አሸንፈዋል፡፡ ከሁለተኛ ደረጃ በግል፣1ኛ. ሳሮን ሳሙኤል ከአዋሬ፣ከለቡ 2ኛ. ዮሐንስ ወርቁ እና 3ኛ ቃለአብወርቁ ከቃሊቲ እሸናፊ ሆኗል፡፡
በሳይንስና ፈጠራ ዘርፍ በግል በተደረገ ውድድር ከቅድመ አንደኛ ደረጃ ትምህርት ቤቶች 1ኛ ከለቡ የሳይንስ መርጃ መሣሪያ በመስራት፣2ኛ ከእግዚአብሐርአብ የሂሳብ መርጃ መሣሪያ እና 3ኛ ከሲኤምሲ የቋንቋ መርጃ መሣሪያ አሸናፊ ሲሆኑ ከአንደኛ ደረጃ ትምህርት ቤቶች 1ኛ. ዮናታን ደጀኔ ከሰንሻይን፣2ኛ. ያፌት አብዮት ከወይራ እና 3ኛ. እነ ሶሊያና ተክላይ ከሲአምሲ አሸናፊ ሆነዋል፡፡ ከ2ኛ ደረጃ በሳይንስና ፈጠራ ዘርፍም1ኛ. አናኒያ ባያብል ከሰሚት፣2ኛ. እነ ሚልካ ጫላ ከቃሊቲ እና 3ኛ ልዑል ሲሳይ ከአዋሬ አሸናፊ ሆኗል፡፡
በአይሲቲ ፈጠራ ዘርፍ በግል በተደረገ ውድድር ከአንደኛ ደረጃ 1ኛ ናሆም ሰለሞን ከእግዚአብሔርአብ፣2ኛ. ያሬድ ኤፍሬም ከለቡ እና 3ኛ. ጥበቡ ሙሉቀን ከቃሊቲ ያሸነፉ ሲሆን በሁለተኛ ደረጃ ትምህርት ቤቶች 1ኛ. ዳግማዊ እንዳልካቸው ከአዋሬ ፣ 2ኛ በርናባስ ከለቡ እና 3ኛ. በረከት ታደሰ ከቃሊቲ በዘርፉ አሸናፉ ሆነዋል፡፡
በኪነጥበብ የፈጠራ ሥራ ዘርፍ በግል ከአንደኛ ደረጃ ትምህርት ቤቶች መካከል በተደረገ ውድድር 1ኛ ናታኔም አዲስ ከአዋሬ በመነባንብ ፣ 2ኛ. አሜን አቤል ከአዋሬ ግጥም እና 3ኛ. ሶሊያና ወልዴ ከሲ.ኤም.ሲ መነባንብ ሲያሸንፉ በሁለተኛ ደረጃ ትምህርት ቤቶች መካከል 1ኛ. ትምኒት አንበሴ ከለቡ መነባንብ፣2ኛ. ቤዛ ዮሐንስ ከለቡ ግጥም ፣ ተማሪ ሄርሜላ ጎሳ ከሰሚት ግጥም እና ተማሪ መክሊት ተስፋዬ ከአዋሬ እኩል 3ኛ በመውጣት በግጥም ዘርፍ አሸናፊ ሆነዋል፡፡
በሥዕልና ቅርፃቅርጽ ዘርፍ ከአንደኛ ደረጃ ትምህርት ቤቶች 1ኛ. እነ ሴማ ዳዊት ከሲኤምሲ 2ኛ. ተማሪ ዲቦራ ከሰንሻይን እና 3ኛ. ትንሳኤ ዳባ ከለቡ አሸናፊ ሲሆኑ በሁለተኛ ደረጃ ትምህርት ቤቶች 1ኛ. እነ ፍቅረማርያም ቀፀላ፣2ኛ. ሚካኤላ ያፌት ከለቡ እና 3ኛ. ጽዮን ፍሬው ከአዋሬ ሆነዋል፡፡

በአጠቃላይ ውጤት የተቋም እሴት ዘርፍ ላይ ከቅድመ አንደኛ ደረጃ 1ኛ. ለቡ ቅርንጫፍ ፣ 2ኛ እግዚአብሔርአብ ቅርንጫፍ እና ሃያሁለት ቅርንጫፍ 3ኛ በመውጣት ሲያሸንፉ ከአንደኛ ደረጃ ትምህርት ቤቶች 1ኛ. ለቡ፣2ኛ ሰንሻይን እና 3ኛ አዋሬ ቅርንጫፎች አሸንፈዋል፡፡ከሁለተኛ ደረጃ1ኛ. ለቡ፣2ኛ. አዋሬ እና 3ኛ ቃሊቲ ቅርንጫፎች አሸናፊ ሆነዋል፡፡
በአጠቃላይ ውጤት በሳይንስና ፈጠራ ሥራ ውድድር ከቅድመ አንደኛ1ኛ. ሲኤምሲ፣2ኛ እግዚአብሔር አብ እና 3ኛ ለቡ ቅርፍነጫፎች አሸናፊ ሆነዋል፡፡ በአንደኛ ደረጃ ትምህርት ቤቶች በሳይንስና ፈጠራ ሥራ 1ኛ. ሰንሻይን፣2ኛ. ወይራ እና 3ኛ. ሲኤምሲ ቅርንጫፍ ሲያሸንፍ በሁለተኛ ደረጃ ትምህርት ቤቶች በሳይንስና ፈጠራ ስራ ውድድር 1ኛ. ሰሚት፣2ኛ. ቃሊቲ እና 3ኛ. አዋሬ እና ለቡ አሸንፈዋል፡፡
በአጠቃላይ ውጤት አይሲቲ የፈጠራ ሥራ ዘርፍ ከአንደኛ ደረጃ ትምህርት ቤቶች መካከል 1ኛ. ቃሊቲ፣2ኛ. እግዚአብሔርአብ እና 3ኛ. ለቡ ቅርንጫፍ ደረጃን ሲይዙ ከሁለተኛ ደረጃ ትምህርት ቤቶች መካከል 1ኛ ቃሊቲ፣ 2ኛ አዋሬ እና 3ኛ. ለቡ አሸናፊ በመሆን ተሸላሚ ሆነዋል፡፡
በአጠቃላይ ውጤት በኪነጥበብ ዘርፍ ከቅድመ አንደኛ ደረጃ 1ኛ. ለቡ፣2ኛ እግዚአብሔርአብ እና 3ኛ ሲኤምሲ ቅርንጫፍ አሸናፊ ሲሆኑ ከአንደኛ ደረጃ ትምህርት ቤቶች መካከል 1ኛ. አዋሬ፣2ኛ. ሲኤምሲ እና 3ኛ. ሰንሻይን ቅርንጫፍ አሸናፊ በመሆን ሲያሸንፉ ከሁለተኛ ደረጃ 1ኛ. ለቡ፣2ኛ. አዋሬ እና 3ኛ. ቃሊቲ ቅርንጫፍ በዘርፉ አሸናፊነትን አግኝተዋል፡፡
በአጠቃላይ ውጤት ሥዕልና ቅርፃ ቅርፅ ዘርፍ በቅርንጫፍ ትምህርት ቤቶች መካከል ከአንደኛ ደረጃ ትምህርት ቤቶች 1ኛ ሲኤምሲ፣2ኛ. ለቡ እና 3ኛ. ሰንሻይን ቅርንጫፎች ሲያሸንፉ ከሁለተኛ ደረጃ ትምህርት ቤቶች መካከል 1ኛ. ሰሚት፣2ኛ. ለቡ እና 3ኛ. አዋሬ አሸናፊ በመሆን ተሸላሚ ሆነዋል፡፡

ለ4ኛ ጊዜ ዝግጅቱን ያስተባበረው የኤስድሮስ ኮንስትራክሽን ንግድ እና ኢንዱስትሪ አ.ማ የትምህርት ዘርፍ ይህን መሰል የአቡነ ጎርጎርዮስ ትምህርት ቤቶች የተማሪዎች የፈጠራ ሥራዎች እና የትምህርት ዐውደ ርእይ በቀጣይም ዓመት ከዚህ ዝግጅትና ቦታ በተሻለ ሁኔታ እንደሚያዘጋጅ ይጠበቃል፡፡

 

 

 

 

 

 

 

 

 

 

 

የአቡነ ጎርጎርዮስ ትምህርት ቤቶች ተማሪዎች የትምህርት ዐውደ ርእይ እና የፈጠራ ሥራዎች ውድድር መርሀግብር አርብ መጋቢት 20 ቀን 2016 ዓ.ም ይከፈታል፡፡
ለ4ኛ ጊዜ በሚካሄደው የትምህርት ዐውደ ርእይ እና የተማሪዎች የፈጠራ ሥራ በኪነጥበብ፣ የተማሪ የፈጠራ ሥራ፣ ICT፣ ሥዕልና ቅርጻቅርጽ፣ የተቋሙ እሴት እና ዲኮረሽን (የተሰጠህን ቦታ ማሸብረቅና ማስዋብን) ዘርፍ ላይ ውድድር የሚካሄድበት ሲሆን ከመጋቢት 20 እስከ 22 ቀን 2016 ዓ.ም የአቡነ ጎርጎርዮስ ትምህርት ቤቶች 27ኛ ቅርንጫፍ በሆነው ሰንሻይን አጸደ ሕፃናትና 1ኛ ደረጃ ቅርንጫፍ ይካሄዳል፡፡
በመርሐግብሩ ላይ በአዲስ አበባ የሚገኙት 18 ቅርንጫፍ ትምህርት ቤቶች የሚሳተፉበት ሲሆን በፈጠራ ስራዎች፣ በኢንፎርሜሽን ቴክኖሎጂ እና በኪነጥበብ ዘርፍ በርካታ የፈጠራ ሥራዎች የሚቀርቡበት በመሆኑ ፉክክሩም ከፍተኛ እንደሚሆን ይጠበቃል፡፡
ለ3 ተከታታይ ቀናት ለእይታ በሚቆየው በዚህ ዐውደ ርእይ ላይ ጥሪ የተደረገላቸው እንግዶች፣ ወላጆች፣ መምህራን እና ተማሪዎች እንደሚጎበኙት ይጠበቃል፡፡ በመሆኑም፣ እርስዎም የዐውደ ርእይው ተሳታፊ እንዲሆኑ በታላቅ አክብሮት ተጋብዘዋል፡፡

ከዚህ ቀደም መግዛት የሚቻለው ዝቅተኛው የአክሲዮን መጠን 100 አክሲዮን የነበረው በደንበኞቻችን ጥያቄ መሰረት 50 አክሲዮን እንዲሆን ተደርጓል ፡፡

 

የአቡነ ጎርጎርዮስ ትምህርት ቤቶች ሰሚት 2ኛ ደረጃ ት/ቤት ሞዴል አፍሪካ ኢትዮጵያ አዘጋጅነት አዘጋጅነት በአዲስ አበባ ከሚገኙ 4 ትምህርት ቤቶች ጋር አፍሪካዊ ርዕሰ ጉዳዮች ላይ በተደረገ የቃል ክርክር/ debate/ ላይ በመሳተፍ ሽልማት ተበርክቶለታል፡፡
በተባበሩት መንግሥታት ድርጅት በአፍሪካ ኢኮኖሚክ ኮሚሽን አዳራሽ በተዘጋጀ “የ21ኛው ክፍለ ዘመን የአፍሪካ የልማት አቅጣጫ የወጣቶች ግብ በ2030” በሚል መሪ ቃል በተዘጋጀ የክርክር መድረክ ላይ የአቡነ ጎርጎርዮስ ትምህርት ቤቶች ሰሚት ቅርንጫፍ 2ኛ ደረጃ ትምህርት ቤት 11 ተማሪዎች ከፍተኛ ተፎካካሪ በመሆን የተሳተፉበት እንደነብር ታውቋል፡፡
በጥር ወር መጨረሻ ሳምንት ላይ በተካሄደው አፍሪካዊ ርዕሰ ጉዳዮች ላይ ከአዲስ አበባ የተወጣጡ 4 የ2ኛ ደረጃ ትምህርት ቤቶች መካከል ከፍተኛ የቃል ክርክር/debate/ በማድረጉ ሰሚት 2ኛ ደረጃ ት/ቤት ሰርተፍኬ እንደተበረከተለት ከቅርንጫፍ ትምህርት ቤቱ ያገኘነው መረጃ ያመለክታል፡፡
የአቡነ ጎርጎርዮስ ትምህርት ቤቶች ሰሚት ቅርንጫፍ 2ኛ ደረጃ ትምህርት ቤት በተለያዩ ውድድሮች በመሳተፍ በርካታ ሽልማት የተበረከቱለት መሆኑ ይታወሳል፡፡
የአክሲዮን ማኅበራችንን ድረ ገፅ https://esdros.com በመከታተል ወቅታዊ መረጃዎችን ያገኛሉ::