በአቡነ ጎርጎርዮስ ትምህርት ቤቶች በአዲስ አበባ በሚገኙ 18 ቅርንቻፍ ትምህርት ቤቶች ወላጆች ከመምህራን ጋር ስለ ልጆቻቸው አጠቃላይ ጉዳይ የሚመክሩበት መርሀግብር በቅርንጫፍ ትምህርት ቤቶች ተካሄዷል፡፡
ታህሳስ 20 ቀን 2016 ዓ.ም አላማውን በልጆች የትምህርት ውጤት እና በልጆች ስነምግባር እና የትምህርት ቤት አጠቃላይ ሁኔታ ላይ ያተኮረ በገጽለገጽ ወላጅ ከመምህራን ጋር የሚወያይበት በውይይቱም ጠንካራ ጎን የሚጎለብትበትን እና ትግሮች ደግሞ በጋራ መፍትሄ የሚበጅለትን አላማ ለማሳካት ያለመ ዝግጅት ነበር፡፡

ይህንን መሰል መርሀግብር በአቡነ ጎርጎርዮስ ትምህርት ቤቶች በሁሉም ቅርንጫፍ ትምህርት ቤቶች የተለመደና ባህል መሆኑ የተገለጸው፡፡ የወላጆችና የመምህራን ገጽለገጽ መርሀግብር በየመንፈቅ ዓመት አጋማሽ ላይ የሚደረግ በመሆኑ ተማሪዎች መንፈቅ ዓመቱን ጥሩ ውጤት ለማስመዝገብ የወላጅ እና የመምህራን የጋራ ድጋፍን ከመፍጠሩም በላይ የክፍተት ቦታዎችን መሙላት ያስችላል፡፡
ዕለተ እሁድ ታህሳስ 20 ቀን 2016ዓ.ም በተካሄደው በዚሁ መርሀግብር ወላጆችና መምህራን ጊዜ ሰጥተው በልጆቻቸው ውጤትና ስነምግባር ላይ በጥልቀት በመወያየት በጋራ ለመስራት ጠንካራ ግንኙነት የፈጠሩበት እንደነበር ከወላጆችና መምህራን ያገኘነው መረጃ ያመለክታል፡፡

 

 

በኮልፌ ቀራንዮ ክፍለ ከተማ ወረዳ 5 አዘጋጅነት በ9 የመንግስትና የግል ትምህርት ተቋማት መካከል በተደረገ የ2016 ዓ.ም የ6ኛ እና 8ኛ ክፍል ተማሪዎች ጥያቄና መልስ ውድድር በአቡነ ጎርጎርዮስ ትምህርት ቤቶች ወይራ ቅርንጫፍ ውድድሩን 2ኛ እና 3ኛ ደረጃን በማግኘት አሸናፊ ሆኗል፡፡
በኮልፌ ቀራንዮ ክፍለ ከተማ ወረዳ 5 ትምህርት ቢሮ አዘጋጅነት ታህሳስ 15 ቀን 2016 ዓ.ም በተካሄደ የ2016ዓ.ም የመጀመሪያ መንፈቅ ዓመት የ6ኛ እና 8ኛ ክፍል የጥያቄና መልስ ውድድር ተማሪ መክሊት አብይ እና ተማሪ ማርያማዊት አለማየሁ ከ6ኛ ክፍል ሲሳተፉ ተማሪ ያኔት ዓለምነህ እና ተማሪ ሱራፌል አያናው ከ8ኛ ክፍል በውድድሩ ተሳትፈዋል፡፡
በአቡነ ጎርጎርዮስ ትምህርት ቤቶች ወይራ ቅርንጫፍ በ9 የግልና የመንግስት ትምህርት ቤቶች መካከል በተደረገ በዚሁ የጥያቄና መልስ ውድድር በ6ኛ ክፍል ተማሪ ማርያማዊት 2ኛ በመውጣት የሜዳሊያ ተሸላሚ ስትሆን በ8ኛ ክፍል ተማሪ ሱራፌል 3ኛ በመውጣት ከወረዳው ከሚገኙ ትምህርት ቤቶች መካከል አሸናፊ ሆኗል፡፡

የአክሲዮን ማኅበራችንን ድረ ገፅ https://esdros.com በመከታተል ወቅታዊ መረጃዎችን ያገኛሉ::

በለሚ ኩራ ክፍለ ከተማ በበሻሌ ጉድኝት በሚገኙ የመንግሥትና የግል ትምህርት ተቋማት መካከል በተደረገ የ12ኛ ክፍል የጥያቄና መልስ ውድድር በአቡነ ጎርጎርዮስ ትምህርት ቤቶች ሰሚት ቅርንጫፍ ውድድሩን 1ኛ በመውጣት አሸንፏል፡፡
ታህሳስ 19 ቀን 2016 ዓ.ም በለሚ ኩራ ክፍለ ከተማ በተደረገው የሶሻል ሳይንስ ዲፓርትመንት የጥያቄና መልስ ውድድር ተማሪ አዶናይ ሙልጌታ ሁሉንም የቀረቡለት ጥያቄዎችን በመመለስ በሰፊ ልዩነት ውድድሩን በአንደኝነት አጠናቃለች፡፡

በለሚ ኩራ ክፍለ ከተማ በሻሌ ጉድኝት ስር በሚገኙ 6 የመንግስትና የግል ትምህርት ቤቶች መካከል በተደረገው የሶሻል ሳይንስ ጥያቄዎች ሙሉ በሙሉ በመመለስ ተፎካካሪዎቹን በሰፊ ልዩነት በመምራት ተማሪ አዶናይ የወርቅ ዋንጫ እና የወርቅ መዳሊያ ተሸላሚ መሆን ችሏል ።
በሌላ መልኩ የአቡነ ጎርጎርዮስ ትምህርት ቤቶች ሰሚት ቅርንጫፍ በክፍለ ከተማው በቅርቡ በተደረገ የ9ኛ የጥያቄና መልስ ውድድር ተማሪ ምሕረት አስተካከለኝ ውድድሩን በአንደኝነት በመውጣት ማሸነፏአ ይታወሳል፡፡
የአክሲዮን ማኅበራችንን ድረ ገፅ https://esdros.com በመከታተል ወቅታዊ መረጃዎችን ያገኛሉ::

ኤስድሮስ ኮንስትራክሽን ንግድ እና ኢንዱስትሪ አ.ማ ለአቡነ ጎርጎርዮስ ትምህርት ቤቶች ወላጆች ፣ለ12ኛ ክፍል መምህራን እና ለ2016 ዓ.ም የ12ኛ ክፍል ተፈታኝ ተማሪዎች በተለያዩ ርዕሰ ጉዳዮች ላይ ስልጠና ተሰጥቷል፡፡
የስልጠናው ዓለማ ያደረገው የ2016ዓ.ም የ12ኛ ክፍል ሀገር አቀፍ ፈተና ተፈታኝ ተማሪዎቻችን ውጤታማ ለማድረግ መምኅራን፣ተማሪዎችና ወላጆች ለውጤታማነቱ ያላቸውን ድርሻ ተገንዝበው በጋራ እንዲሰሩ ለማስቻል ያለመ ነው፡፡
ቁጥራቸው ከ200 በላይ የሚሆኑ የለቡ፣የአቧሬ እና የሰሚት ቅርንጫፍ የ2016ዓ.ም የ12ኛ ክፍል ሀገር አቀፍ ፈተና ተፈታኝ ተማሪዎች፣ከ150 በላይ ወላጆች እና ቁጥራቸው ከ30 በላይ የሚሆኑ የ12ኛ ክፍል መምህራን በስልጠናው ተሳትፈዋል፡፡

ለ12ኛ ክፍል ተማሪዎች ስልጠናውን የሰጡት አቶ ዮናስ ግርማ “Techniques of dealing with SAT questions. አቶ ዮሴፍ በቀለ “Motivational Presentation” እና አቶ ወንድዮ ከበደ “Student’s Preparation for National Exam; Managing Possible Test Anxiety of Students, Psychological Readiness, etc.” ስልጠናዎችን ሰጥተዋል፡፡
ለመምህራን እና የትምህርት ኤክስፕርት ባለሙያዎች የተሰጡ ስልጠናውን የሰጡት ዶ/ር ታምሬ አንዱዓለም “Assessing and Evaluating Students Best /How to Prepare Standardized Tests and Assess Students.”፣በ አቶ ዮሴፍ በቀለ “Motivational Presentation” እና አቶ ሽመልስ ገበየሁ “Preparing National Exam taking Students in a fast Track Approach.”ርዕሶች ላይ ስልጠናዎችን ሰጥተዋል፡፡
ሌላው በቅድስት ሥላሴ ዩኒቨርሲቲ ኮሌጅ አዳራሽ የተሰጠው ለ12ኛ ክፍል ተማሪዎች ወላጆች ሲሆን በአቶ ዮናስ ተገኝ “How Parents can Manage test Anxiety and Related issue of their Respective Children” እና ”Managing Behaviors of age 17-19 Children towards Realizing Envisaged Goals.” በሚል ርእሰ ጉዳዮች ላይ የተሰጠ ስልጠና ነው፡፡

በግራንድ ኤሊያና ሆቴል በተሰጠው የ12ኛ ክፍል መምህራን እና ለትምህርት ዘርፍ ባለሙያዎች ስልጠናን በማስመልከት በሰጡት አስተያየት “ተማሪዎቻችንን በሀገር አቀፍ ፈተና ውጤት እንዲያስመዘግቡ ምን መስራት አለብን የሚል የማነቃቂያ ስልጠና ነው፡፡ መምህራን መነቃቃት አለብን ይህ መነቃቃት ወደ ተማሪዎችም የሚጋባ በመሆኑ ውጤታማ እንድንሆን ያግዘናል::” በማለት ሀሳባቸውን የሰጡን መምህር ገንዘቤ ገለታው ሲሆኑ” ለመምህራን የሚሰጡ ስልጠናዎች በዚህ መልኩ ሲሆኑ እጅግ በጣም ደስ ይላል፡፡ በቀጣይም ምን መስራት እንዳለብን ያየንበት ስልጠና ነው፡፡ ያሉት መምህር ተመስገን እሸቴ በአቡነ ጎርጎሪዮስ ትምህርት ቤቶች የአቧሬ ቅርንጫፍ ትምህርት ቤት የባዮሎጂ መምህር ናቸው፡፡ ሌላኛው ሀሳባቸውን ያጋሩን የሰሚት የእንግሊዘኛ መምህሩ መምህር ተስፋዬ እርገጤ እንደተናገሩት “ስልጠናው እኛ የተማሪዎቻችንን ውጤታመነት ለማረጋገጥ ከዚህ በፊት ከነበሩ ውጤቶች በተሻለ እንዲያመጡ እና ወደፊትም በዩኒቨርሲቲ ቆይታቸው ምን መስራት እንዳለብን የሚያሳይ ነው” በማለት ገልጸዋል፡፡

ሌላኛው አስተያየታቸውን የሰጡት የ12ኛ ክፍል ተማሪዎች የለቡ ቅርንጫፍ ተማሪ የሆነው ተማሪ አቤል ሚካኤል “…እንዴት ጊዜያችንን መጠቀም እንደምንችል የሚያሳይ ነው፡፡” በማለት ሀሳቡን የሰጠን ሲሆን የአቧሬ ቅርንጫፍ የሆነችው ተማሪ ራኬብ ተመስገን “ስልጠናው አስተማሪና መንፈስን የሚያነቃቃና ለማጥናት የሚያግዘን ነው ብላለች፡፡” የሰሚት ቅርንጫፍ ተማሪ የሆነችው ኤፍራታ ቴዎድሮስም በበኩሏ “በስልጠናው እንዴት አዕምሮአችንን መጠቀም እንደምንችልና ውጤት ላይ መድረስ እንደምንችል የሚያሳይ ነው፡፡” በማለት ሀሳቧን ገልጻለች፡፡

ስልጠናውን በተመለከተ አስተያየታቸውን የሰጡት የ12ኛ ክፍል ተማሪዎች ወላጆች በበኩላቸው “ይህንን ስልጠና በማግኘቴ በጣም ዕድለኛ ነኝ፡፡ ብዙ የጎደሉኝ ነገሮች እንዳሉኝ በስልጠናው ያየሁበት ነው፡፡ እንደዚህ አይነት ስልጠና ቢቀጥል ጥሩ ነው፡፡” በማለት ሀሳባቸውን ያካፈሉን በለቡ ቅርንጫፍ ልጆቻቸውን እያስተማሩ የሚገኙት አቶ አለማየሁ አያሌው ሲሆኑ ሶስት ልጆቻቸውን በአቡነ ጎርጎርዮስ እያስተማሩ የሚገኙት አቶ ዬናስ ታደሰ “ጥሩ ስልጠና ነው፡፡ ያነቃቃል ለልጆቻችን ጥሩ ድጋፍ እንድናደርግ የሚያደርግ ነው፡፡ በዚህ ቢቀጥል መልካም ነው፡፡” ያሉ ሲሆን እኛና ልጆቻችን ምን ያህል ተራርቀን እንዳለን የሚያሳይ ነው፡፡ልጆቻችንን እንዴት አድርገን መያዝ እንዳለብን የሚያሳይ ነው፡፡የተሻለ ውጤት እንድናመጣ የሚያስችል ስልጠና ነው፡፡” በማለት ሀሳባቸውን የሰጡን የሰሚት ቅርንጫፍ የወላጅ ኮሚቴ ሰብሳቢ ወ/ሮ ሰፍነ ተረፈ ናቸው፡፡ይንን መሰል ስልጠናዎች አነቃቂና መነሳሳትን እንደፈጠረባቸው ከተሳታፊዎች ለምዳት ተችሏል፡፡

ኤስድሮስ ኮንስትራክሽን ንግድ እና ኢንዱስትሪ አ.ማ ለ2016 ዓ.ም የትምህርት ዘመን በአቡነ ጎርጎርዮስ ትምህርት ቤቶች የሚማሩ ተማሪዎች የትምህርት ዘመኑን የትምህርት ክፍያ ከፍለው መማር ላልቻሉ 73 ተማሪዎች የነጻ ትምህርት እድል ሰጠ፡፡

ቁጥራቸው 73 የሆኑ ተማሪዎች በ2016 ዓ.ም የትምህርት ዘመን ወላጆቻቸው በተለያየ ምክንያት የትምህርት ክፍያን ለመፈጸም በመቸገራቸው የተሰጠ የነጻ የትምህርት እድል መሆኑን ለማወቅ የተችሏል፡፡
ኤስድሮስ ኮንስትራክሽን ንግድ እና ኢንዱስትሪ አ.ማ ማኅበራዊ ኃላፊነቱን ለመወጣት እየሠራ የሚገኝ ሲሆን በአቡነ ጎርጎርዮስ ትምህርት ቤቶች ወላጆች ላይ በሚገጥም ማኅበራዊና ኢኮኖሚያዊ ችግሮችን በመፍታት ልጆቻቸው ተረጋግተው እና ውጤታማ ሆነው እንዲማሩ እየሠራ ይገኛል፡፡
እነዚህም በአዲስ አበባ ከተማ በሚገኙ ቅርንጫፍ ትምህርት ቤቶች ውስጥ በ15 ቅርንጫፍ ከሚገኙ ተማሪዎች መካከል ሲሆኑ በ2015ዓ.ም ለ50 ተማሪዎች ነጻ የትምህርት ዕድል የተሰጠ ሲሆን በ2016 ዓ.ም የትምህርት ዘመን 23 ተጨማሪ አዳዲስ ተማሪዎችን በመጨመር ቁጥሩ 73 እንደደረሰ ያገኘነው መረጃ ያመለክታል፡፡
ኩባንያው ማኅበራዊ ኃላፊነቱን ለመወጣት ነጻ የትምህርት ዕድል የሰጣቸውን 73 ተማሪዎችን የብር 1.3 ሚለዮን ብር የሸፈነ ሲሆን በአራዳ እና ቃሊቲ ክፍለ ከተማም ለሚገኙ አረጋውያን ድጋፍ የሚሆን ከ200 ሺህ ብር በላይ ድጋፍ አድርጓል፡፡